வாழைக்காய் பஜ்ஜியும் வாய் மணக்கும் சொஜ்ஜியும்
வாழைக்காய் பஜ்ஜியும் வாய் மணக்கும் சொஜ்ஜியும் -- கே.எஸ்.கோபாலகிருஷ்ணன் என் பெயர் ராம் குமார் . நான் பிறந்த ஊர் தென்றல் தவழ்ந்து வரும், தேன் மதுரத் தமிழோசை கேட்கும், வற்றாத ஜீவ நதியாம் தாமிரபரணி ஓடும் திருநெல்வேலி. முதலில் வாசகர்களுக்கு பஜ்ஜி என்றால் என்ன சொஜ்ஜி என்றால் என்ன என்பதை விளக்கமாகச் சொல்லிவிடுகிறேன் . அனேகமாக பலருக்குத் தெரிந்திருக்கும் . இருந்தாலும் இந்தக் கதைக்குத் தலைப்பு பஜ்ஜி, சொஜ்ஜி என்று அமைந்திருப்பதால் விளக்க வேண்டியது என் கடமையாகிறது. பஜ்ஜி பற்றி பிரபல எழுத்தாளர் பாக்கியம் ராமசாமி ஒரு கட்டுரையில் இப்படி எழுதியிருப்பார் . ‘ முதலில் பஜ்ஜி தயார் பண்ண, உப்பு , காய்ந்த மிளகாய் , பெருங்காயம் சேர்த்து நன்றாக அரைத்து கடலைமாவில் பக...